Les mots surlignés font l'objet d'une note
1Monsieur, encores que tout maintenant je viegne de recebvoir des lettres de
2madame de Gordes du Xe de ce moys par ce gentilhomme, present porteur
3qui m’a rendu le page qui vient de voz mains et pour lequel je feray
4tout ce que voz deux ensemble désirez, si est-ce que je vous ay bien
5voleu particulièrement escrire la presente, vous advisant comme j’ay esté
6adverty de plusieurs compaignies qui se lèvent par deça par
7cappitaynes que l’on dict estre de la religion prethendue,
8qui font courir le bruict que monsieur d’Acier sera bien tost
9à Uzès avec charge de faire quatre mil hommes, sans que l’on
10scache pour vray le lieu où ilz doibvent estre employez,
11chose qui mect en admiration les peuples de deça et me
12donne soupson que ce ne soit pour ceste ville ou pour le pays du
13Contat, attendu mesmement les lettres de represaille que le roy
14avoit cy devant accordées à ses subiectz de Languedoc, Prouvence
15et Daulfiné, à l’ymitation desquelles le gouverneur d’Aurange
16dict avoir charge de ses maîtres d’exécuter celles qu’eulx luy
17ont envoyés plus roides et plus gailhardes que celles de
18sa magesté, voulant que non seullement les originayres de
19la principaulté, mais ceulx qui despuis dix ans se sont retirez
20en ladite principaulté, jouyssent des biens qu’ilz ont en terres
21de notre St Père et rendent douze mille frans que le sieur de la
22Mole et de Ste Jalle ont prins des fruictz dudit principaulté ;
23et croy qu’à la fin, voudront que le pape, monseigneur le légat
24et moy les leur rendons. Cependant, je les verray venir
25et vous diray, monsieur, que vous me ferez ung singulier
26playsir de me donner advis de ce que vous entendrez de ces
27[v°] rumeurs, ensemble de ce que vous entendrez du cousté de Piedmont.
28Et au cas que les compaignies vous recherchassent, de m’escrire de leur
29faire fournir en ceste ville d’armes, je vous prie que vous
30regardiez bien pour qui vous escrirez et de qu’elle religion et
31faction ilz sont, afin que je ne baillye armes pour asseurer
32cest estat. Je croy, monsieur, que vous aurez entendu
33comme j’avoye envoyé l’ung de mon secretariat devers le seneschal
34de Valentinoys pour le faict des lettres de marque et contenter
35voz Daulfinoys selon l’intention du roy ; et parce qu’il y a quatorze
36jours qu’il est party d’icy, j’en suys en peyne pour n’avoir aulcunes
37nouvelles de luy, que me faict vous prier que si vous en
38scavez, de m’en donner advis, et cependant, je me recommanderay
39de très bon cueur à votre bonne grâce et à celles de madame
40votre compaigne, en priant Dieu de vous donner à tous,
41Monsieur, en toute perfection et santé, très bonne et
42longue vye, avec l’heur et contentement que vous désirez.
43En Avignon, le XIIIIe de juilhet 1572
44Votre plus affectioné à vous aymer et servir
45Comme ancien frère
46G. card. D’Armaignac